05.11.2024

лекцыя настаяцеля прыхода храма Георгія Перамоганосца ў Нясвіжы ,кандыдата багаслоўскіх навук протаіерэя Яўгенія Лабынько

“Падоранае Богам, або Сэнс жыцця ва ўяўленні прадстаўнікоў розных пакаленняў”

    У Нясвіжскай цэнтральнай раённай бібліятэцы імя Паўлюка Пранузы ў рамках сумеснага праекта бібліятэкі “Узыходжанне” і Слуцкай епархіі Беларускай Праваслаўнай царквы адбылася лекцыя настаяцеля прыхода храма Георгія Перамоганосца ў Нясвіжы, кандыдата багаслоўскіх навук протаіерэя Яўгенія Лабынько “Падоранае Богам, або Сэнс жыцця ва ўяўленні прадстаўнікоў розных пакаленняў”.

   Перш чым перадаць слова святару, кіраўнік праекта Валянціна Шчарбакова прапанавала гасцям бібліятэкі, вучням СШ № 1 г. Нясвіжа паразважаць на прапанаваную тэму. Думкі разышліся, але ў сваёй большасці хлопцы і дзяўчаты лічаць,  што сэнс жыцця яны бачаць у самаразвіцці, атрыманні добрай адукацыі, любімай прафесіі, стварэнні сям’і, нараджэнні дзяцей, як працяг саміх сябе і жыцця на гэтай зямлі.

   Протаіерэй Яўгеній Лабынько расказаў, што ў вучэнні праваслаўнай царквы сэнс чалавечага жыцця — прыйсці да Бога. Для гэтага Гасподзь паслаў Сына свайго, які пакутаваў за ўсё чалавецтва, быў раскрыжаваны і ўваскрос. Бог даў чалавеку храм, у якім здзяйсняецца літургія, Таінствы, без далучэння да якіх нельга злучыцца з Богам.

      Святар адзначыў, што Гасподзь даў нам свабоду выбару, якую мы павінны скіраваць на дабро.

     Рабятам была прапанавана і літаратура з фонду бібліятэкі на прапанаваную тэму.                                                                                          

                  Несвижская центральная районная библиотека им.П.Пронузо