14.04.2022

Удзел у адкрыцці Велікоднай выставы

у Нясвіжскім раённым цэнтры культуры кіраўніка клуба

духоўна-маральнага выхавання падлеткаў і моладзі “Ноеў каўчэг”

Валянціны Шчарбаковай і ўдзельнікаў праекта

“Парады з вуснаў несвіжан”

«У слове, справе, малітве»

     З пакалення ў пакаленне людзі захоўваюць і перадаюць веру, разумеюць неабходнасць храма. Тое ж можна сказаць і пра народныя традыцыі, як спробу славіць Бога не толькі у словах,  малітве, думках, але і ў справах.  Найлепшы доказ сказанаму  — чатырнаццатая  велікодная  выстава “Яечак сёлета багата — мы шчыра сустракаем свята” у Нясвіжскім цэнтры культуры, якая нядаўна сабрала юных і сталых прыхільнікаў прыгожага і вечнага     Як сказаў благачынны Нясвіжскага благачыння протаіерэй Аляксандр Данчанка, звярнуўшыся да гасцей выставы “кожны твор — гэта крок да Бога”.

     — Якім бы не было цяжкім наша жыццё, якія б цяжкасці не паўсталі на нашым шляху, усё гэта не выпадкова. Гэта ёсць мэта нашага Нябеснага Айца, каб усіх сваіх дзяцей паклікаць да сябе, паколькі ў гэтым ёсць галоўны сэнс нашага жыцця, знайсці Бога ў сваім сэрцы. Бачыце, які складаны гэты свет. Але ўсе мы можам пастарацца хоць маленькую крупіцу дабра прынесці у наша жыццё, тады меней будзе зла. У светлыя веснавыя дні ўсё чалавецтва імкнецца спазнаць радасць Хрыстова уваскрашэння. Гэта сустрэча, гэта выстава — уклад добрых людзей ў добрыя справы, у якіх цяпло сэрца памножаецца  на майстэрства рук, —  працягнуў сваю думку айцец Аляксандр.

     Кіраўнік народнага клуба майстроў “Дыяменты нясвіжскага краю” Вікторыя Лукашэвіч запрасіла гасцей выставы пазнаёміцца з іконамі Святланы Мартос, Ганны Лукасевіч, Алены Івахнінай, з велікоднымі кампазіцыі, упрыгожанымі яйкі, плеценымі кошыкамі і многімі іншымі вырабамі, зробленамі рукамі насельнікаў Нясвіжскага псіхолага-неўралагічнагва дома-інтэрната для састарэлых і інвалідаў, Нясвіжскага тэрытарыяльнага цэнтра сацыяльнага абслугоўвання насельніцтва. Не засталіся ў баку і наведвальнікі творчых аб’яднанняў Нясвіжскага гарадскога маладзёжнага цэнтра. Асноўную ж колькасць работ прадставілі удзельнікі народнага клуба майстроў “Дыяменты нясвіжскага краю”. Самымі неардынарнымі з усіх экспанатаў выставы сталі пернікі ручной работы народнага майстра Беларусі Алены Хоміч, якія можна было купіць і паспрабаваць. Да ўсяго і песні ў выкананні удзельнікаў аматарскай творчасці Аношкаўскага дома культуры гучалі шчыра і задушэўна.

     А найбольш цікавымі момантамі падзеі сталі майстар-класы ад удзельнікаў народнага клуба майстроў “Дыяменты нясвіжскага краю”.  Пад кіраўніцтвам Таццяна Кунігель наведвальнікі гуртка “Духоўнае слова” СШ №4 г. Нясвіжа зрабілі цудоўны велікодны вянок. З Палінай Паскрэбкай ўсе жадаючыя зрабілі ў падарунак сваім блізкім велікоднага зайца.

     Выстава будзе працаваць да 2 мая.  Яе госці  змогуць не толькі пазнаёміцца і набыць работы, многія з якіх існуюць толькі ў адзіным экземпляры, але і наведаць фотазоны, створаныя дзеля добрага настрою наведвальнікаў і каб кожны, хто тут пабывае, маглі прынесці ў свой дом часцінку дабрыні і шчырасці.

Несвижская центральная районная библиотека им. П. Пронузо

• Title Title
•