РБ, Минская обл., г. Несвиж, ул. Белорусская, д. 5 |
РБ, Мінская вобл., г.Нясвіж, вул.Беларуская, д.5 |
19.11.2023
беседа-предупреждение
«Жизнь без дурмана»
В Рудавской сельской библиотеке прошла беседа-предупреждение «Жизнь без дурмана». Вначале мероприятия библиотекарь рассказала ребятам о таком явлении, как наркомания, особенно опасном для подростков, кто более всего подвержен быстрому привыканию к наркотикам, почему люди начинают их употреблять, о путях вовлечения и способах защиты от вовлечения в наркоманию. Кроме наркотиков есть ещё такие вредные привычки - алкоголизм и курение. Библиотекарь предложила ребятам проанализировать свое поведение в случаях, когда им могут предложить наркотики, сигареты и рассказала о пагубном влиянии их на организм человека. Гости сделали общий вывод: счастье возможно только там, где люди берегут свое здоровье.
http://nesvizhlib.by/index.php/ru/event/2240-19112023#sigProGalleria2adbd2613a
17.11.2023
Канферэнцыя ў рамках сумеснага праекта “Узыходжанне”
Нясвіжскай цэнтральнай раённай бібліятэкі імя Паўлюка Пранузы і
“Умацаванне прэстыжу сям’і ў грамадстве і дзяржаве”
У Нясвіжскай цэнтральнай раённай бібліятэкі імя Паўлюка Пранузы ў рамках сумеснага праекта “Узыходжанне” бібліятэкі і Слуцкай епархіі Беларускай Праваслаўнай царквы адбылася канферэнцыя “Умацаванне прэстыжу сям’і ў грамадстве і дзяржаве”, удзельнікі якой праз свае выступленні паспрабавалі растлумачыць прадстаўнікам маладога пакалення несвіжан, старшакласнікам агульнаадукацыйных устаноў горада, асноўную сутнасць сям’і, бацькоўства і мацярынства.
Тэму “Праваслаўны погляд на мацярынства і бацькоўства” асвяціў протаіерэй Аляксандр Данчанка, благачынны Нясвіжскай царкоўнай акругі Слуцкай епархіі, настаяцель прыхода храма Узнясення Гасподняга ў г. Нясвіжы, кіраўнік духоўна-асветніцкага цэнтра “Існасць”, што дзейнічае пры бібліятэцы.
Магістр гуманітарных навук, пісьменніца, старшыня ГА “Цэнтр падтрымкі сям’і і імацярынства “Матуля” Вераніка Сярдзюк гаварыла аб ролі асобы маці ў сям’і, у выхаванні дзяцей, а таксама пра наступствы нашых учынкаў. Госця падаравала бібліятэцы свае кнігі, якія ў хуткім часе з’явяцца на паліцах бібліятэкі.
Не для каго не сакрэт, што і мужчына ў сям’і не павінен быць староннім назіральнікам. Аб зоне адказнасці бацькі разважаў протаіерэй Алег Абрамовіч, духоўнік Сінадальнага аддзела па справах моладзі Беларускай Праваслаўнай Царквы, настаяцель прыхода храма Святой Жываначальнай Троіцы аг. Салтанаўшчына і прыхода храма свяціцеля Мікалая Цудатворца аг. Юшавічы.
Вынікі канферэнцыі падвялі благачынны Нясвіжскага благачыння протаіерэй Аляесандр Данчанка і кіраўнік праекта “Узыходжанне”, бібліятэкар Валянціна Шчарбакова. Валянціна Васільеўна адзначыла, што сярод каштоўнасцей жыцця самай найважнейшай для кожнага чалавека з’яўляецца сям’я. У нашай краіне створаны ўсе ўмовы для таго, каб бацькі і дзеці адчувалі сябе надзейна. З боку дзяржавы гэта праяўляецца і ў матэрыяльнай дапамозе, і ў шэрагу ільгот, адрасаваных сем’ям, якія выхоўваюць дзяцей. Асаблівая ўвага надаецца маладым і шматдзетным сем’ям. З пункту погляду Царквы, сям’я — гэта малая царква, якая будуецца на фундаменце любові, цярпення, узаемапавагі і падпарадкоўваецца духоўным законам. Выступленні святароў і Веранікі Сярдзюк былі заснаваны не толькі на вучэнні праваслаўнай царкры, але і на ўласным вопыце, бо так атрымалася, што ўсе выступоўцы — шматдзетныя бацькі. Ёсць спадзяванне, што час, праведзены ў бібліятэцы, усё тое, пра што даведаліся юнакі і дзяўчаты, дапаможа ім стварыць надзейныя ўласныя сем’і, стаць добрымі бацькамі і не патраціць гады жыцця на пустое і не патрэбнае.
Для таго, каб нічога не засталося недасказаным, удзельнікам падзеі была прапанавана выстава ”Бібліятэка прапануе“, якая уключала падборку літаратуры па тэме з фонду Нясвіжскай цэнтральнай раённай бібліятэкі імя Паўлюка Пранузы і была прапанавана для самастойнага прачытання.
У арганізацыі канферэнцыі, акрамя святароў Нясвіжскага благачыння і бібліятэкараў, дзейсны ўдзел прынялі начальнік упраўлення па адукацыі, спорце і турызме Нясвіжскага раённага выканаўчага камітэта Алена Уладзіміраўна Клішэвіч, яе намеснік Алена Станіславаўна Сцяпанава і настаўнікі агульнаадукацыйных школ горада.
В. Вініцкая
Нясвіжская цэнтральная раённая бібліятэка ім. П. Пранузы
http://nesvizhlib.by/index.php/ru/event/2240-19112023#sigProGalleria076201eb04