РБ, Минская обл., г. Несвиж, ул. Белорусская, д. 5 |
РБ, Мінская вобл., г.Нясвіж, вул.Беларуская, д.5 |
22.01.2021
«Калядны фэст»
Інтэрактыўнае прадстаўленне
Скончыліся навагоднія святы. І па старадаўняй традыцыі 22 студзеня адзначалася апошняе свята- Пабед Каляды- якое сімвалізуе заканчэнне ўсіх калядных мерапрыемстваў. Акурат праз два тыдні пасля Нараджэння Хрыстовага нашы продкі праводзілі Каляду. Праводзілі ўрачыста, з песнямі, з танцамі, каб на другі год Каляда зноў завітаў да іх. Традыцыя мела народны характар, таму гэта чыста беларускае свята.
Такім чынам, Заазерская сельская бібліятэка сумесна з раённым цэнтрам народнай творчасці і Ланскай сельскай бібліятэкай правялі інтэрактыўнае прадстаўленне “Калядны фэст”у гонар заканчэння калядных мерапрыемстваў. У фэсце ўдзельнічалі вучні ДУА “Нясвіжская гімназія”, ДУА “Сярэдняя школа №1г.Нясвіжа”, ДУА “Сярэдняя школа №4 г.Нясвіжа”.
Народны абрад “Прыйшла Каляда, адчыняй вароты!”, сплецены з хрысціянскімі традыцыямі, ярка і вобразна раскрываюць дух беларусаў. Выступленні бібліятэчнага клуба «Тэатр кнігі» сталі адной з візітовак гэтага свята. Гасціна калядоўшыкаў запрашала шчодрая гаспадыня Гарбачова Ю.В., якая адарвала пачастункамі не толькі пераапранутых герояў на сцене, але і ўдзельнікаў фэсту.Цудоўныя касцюмы і дэкарацыі, народныя гульні і беларуская музыка, навеяная фальклорнымі матывамі у выкананні Філіпавай І.В… Гэта тэатралізаванае дзеянне нікога не пакінула раўнадушнымі.
Чароўнай ноткай у “Калядным фэсце” стала выступленне Ланскай “Батлейкі” пад кіраўніцтвам Жук А.М. Алена Мікалаеўна вельмі цікава прадставіла ўсім гледачам лялечны спектакль “Цар Ірад”.
“Калядны фэст” вельмі спадабаўся і дарослым, і дзецям. У нас адбылося сапраўднае зімовае этнаграфічнае свята.
Заазерская сельская бібліятэка,
Ланская інтэграваная сельская бібліятэка