18.01.2020

“Калядкі ў беларускай хатцы”

Зімовае свята

Заазерская сельская бібліятэка разам з НРЦНТ і Ланскай сельскай бібліятэкай правялі мерапрыемства «Калядкі ў беларускай хатцы” для вучняў 6-7-ых  класаў ДУА «Нясвіжская гімназія» і маладых інвалідаў Нясвіжскага РТЦСАН.

           Кіраўнік цэнтра народнай творчасці - Гарбачова Ю.В. - распавядала гасцям аб народным зімовым свяце – Каляды, якія святкуюцца аж дванаццаць дзён з 24 снежня (6 студзеня) па 6 (19) студзеня. Удзельнікі мерапрыемства даведаліся аб тым, што ў  гадавым коле народных земляробчых абрадаў і свят Каляды займаюць першае месца. У мінулыя часы святкаванне Калядаў мела дакладную прымеркаванасць да руху сонца па небасхіле. Вядома, што на перыяд з 18 па 23 снежня ў прыродзе ўсталёўвалася незвычайная раўнавага. Такім чынам, пачатак Калядаў быў цесна звязаны з зімовым сонцастаяннем, якое і з'яўляецца  пачаткам Новага года.

           Бібліятэчны клуб “Тэатр кнігі” разам з танцавальным калектывам “Фіерыя” і музычным кіраўніком Філіпавай І.В. працягнулі свята. Яны паказалі  тэатралізаванае прадстаўленне “Калядкі  ў беларускай хатцы”. Гучалі  песні, вадзілі карагоды, загадвалі загадкі, праводзілі беларускія народныя гульні. Завяршыла свята беларуская лялечная “Батлейка”. Алена Мікалаеўна Жук, бібліятэкар Ланскай сельскай бібліятэкі, паказала цудоўную калядную казку - “Казачка пра гандляра Пятра, казу і Каляды”. Завяршылася зімовае свята дэгустацыяй беларускіх народных страў.

Заозерская сельская библиотека совместно с

Ланской интегрированной сельской библиотекой

• Title Title
• Title Title
• Title Title
•