РБ, Минская обл., г. Несвиж, ул. Белорусская, д. 5
тел./ факс: (8 01770) 5 19 79, e-mail: neswiz_bibliotek@mail.ru

Духоўна-асветніцкі цэнтр “Існасць”

         Духоўна-асветніцкая работа ўжо не першы год вядзецца ў Нясвіжскай цэнтральнай раённай бібліятэцы. Яшчэ ў 2004 годзе распачаў тут сваю дзейнасць клуб духоўна-маральнага выхавання падлеткаў і моладзі “Ноеў каўчэг”, у 2005 годзе была распрацавана праграма дзейнасці клуба, разлічаная на 2005 – 2006 гады (аўтар – В.В. Шчарбакова). З гэтага часу работа ў плане духоўна-маральнага выхавання падлеткаў і моладзі стала адным з асноўных напрамкаў дзейнасці раённай бібліятэкі. Пасяджэнні клуба праводзіліся раз у месяц з удзелам протаіерэя Аляксандра Данчанкі, настаўніцы Нядзельнай школы Т.П. Калеснік, святароў Нясвіжскага благачыння. Арганізоўваліся таксама сутрэчы для дарослых чытачоў бібліятэкі. У 2006 годзе быў распрацаваны цыкл паведамленняў на раённым радыё духоўна-асветніцкага характару.

         У студзені 2010 года па ініцыятыве ідэалагічнага аддзела Нясвіжскага райвыканкама і благачыннага Нясвіжскай царкоўнай акругі протаіерэя Аляксандра Данчанкі ў студзені 2010 года пры цэнтральнай раённай бібліятэцы адчынены духоўна-асветніцкага цэнтра “Існасць” пад кіраўніцтвам протаіерыя Аляксандра Данчанкі. У бібліятэцы была распрацавана комплексна-мэтавая праграма дзейнасці цэнтра (аўтар – В.В. Шчарбакова), зацверджаная намеснікам старшыні Нясвіжскага райвыканкама па сацыяльнай сферы і ідэалагічнай рабоце А.І. Майсенем. Праграма рэалізуецца праз супрацоўніцтва Нясвіжскага Благачыння, Нясвіжскага раённага выканаўчага камітэта, бібліятэк раёна, ДУ “Рэдакцыя газеты “Нясвіжскія навіны” і праграмы радыёвяшчання “Раніца Нясвіжчыны”, навучальных устаноў горада і раёна, устаноў аховы здароўя і прадугледжвае правядзенне духоўна-асветніцкіх лекторыяў для дарослых пры бібліятэках горада і раёна, пашырэнне дзейнасці клуба маральна-духоўнага выхавання “Ноеў каўчэг”, што ўключае вядзенне святарамі Нясвіжскага Благачыння духоўна-асветніцкай работы ва ўстановах адукацыі раёна, супрацоўніцтва з установамі аховы здароўя, правядзенне на раённым радыё духоўна-асветніцкай перадачы “Абуджэнне”, выданне ў раённай газеце “Нясвіжскія навіны” духоўна-асветніцкай старонкі “Вытокі”, падрыхтоўка семінараў і метадычных рэкамендацый для настаўнікаў, раённых духоўна-асветніцкіх мерапрыемстваў.

         У рамках праграмы актыўна вядзецца работа па царкоўным краязнаўстве. У бібліятэцы былі сабраны матэрыялы для кнігі “Пастыр добры зямлі нясвіжскай” аб жыцці і дзейнасці ганаровага грамадзяніна г. Нясвіжа, ветэрана Вялікай Айчыннай вайны, былога настаяцеля Свята-Георгіеўскага храма горада Нясвіжа протаіерэя Дзімітрыя Хмеля, якая пабачыла свет у студзені 2012 года.

        У рамках рэалізацыі праекта былі падрыхтаваны і праведзены семінары для настаўнікаў, бібліятэкараў і святароў на тэмы “Духоўна-маральнае выхаванне падрастаючага пакалення ва ўмовах устаноў адукацыі і культуры” (чэрвень 2010 года), “Бібліятэка – у дапамогу духоўна-асветніцкаму выханню” (вераснь 2010 года). 3 лістапада 2011 года ў Цэнтральнай раённай бібліятэцы мы мелі магчымасць падзяліцца вопытам работы цэнтра са слухачамі абласных курсаў ідэолагаў, якія наведалі наш горад. 15 студзеня 2013 года мы мелі магчымасць падзяліцца вопытам работы ў галіне духоўна-асветніцкай дзейнасці ў бібліятэцы, прыняўшы удзел у Дні інфармавання “Этнаканфесіянальная сітуацыя ў Мінскай вобласці”, які праходзіў ў Нясвіжскім райвыканкаме.

       В.В. Шчарбакова  прадставіла вопыт работы духоўна-асветніцкага цэнтра «Існасць», выступіўшы з дакладам «Асветніцкая дзейнасць Нясвіжскай цэнтральнай бібліятэкі ў маральна-духоўным выхаванні асобы: рэалізацыя мэтава-комплекснай праграмы “Існасць” на трэцім Форуме бібліятэкараў Беларусі «Гуманітарна-асветніцкая дзейнасць бібліятэк у кантэксце агульначалавечых каштоўнасцяў і беларускай дзяржаўнасці», які праходзіў з 23 па 25 мая 2013 года. 25 лістапада 2014 года Нясвіжчына стала месцам правядзення выязднога практычнага семінара для спецыялістаў аддзелаў ідэалагічнай работы, культуры і па справах моладзі райгарвыканкамаў, якія курыруюць пытанні этнаканфесіянальнай сферы Мінскай вобласці. 25 мая 2016 года вопыт работы духоўна-асветніцкага цэнтра “Існасць” быў прадстаўлены на выяздным абласным семінары “Міншчына канфесіянальная”, які праходзіў ў Лагойску. 18 мая  2017 года на Нясвіжчыне прайшло пасяджэнне калегіі апарата Упаўнаважанага па справах рэлігій і нацыянальнасцей. Падвядзенне вынікаў мерапрыемства прайшло ў бібліятэцы, дзе былі асвечаны асноўныя моманты духоўна-асветніцкай дзейнасці цэнтра “Існасць”.

       Комплексна-мэтавая праграма дзейнасці цэнтра прадугледжвае камплектаванне фондаў бібліятэкі духоўна-асветніцкай літаратурай, а таксама падпіску на духоўна-асветніцкія часопісы і газеты. Шырока вядзецца ў раённай бібліятэцы духоўна-асветніцкая работа сярод вучняў агульнаадукацыйных школ, гімназіі,  навучэнцаў Дзяржаўнага каледжа імя Якуба Коласа, якія наведваюць пасяджэнні клуба духоўна-маральнага выхавання моладзі “Ноеў каўчэг”. У рамках работы цэнтра арганізоўваюцца сустрэчы з людзьмі высокай духоўнасці і веры.

       У свой час зацікавіла чытачоў бібліятэкі прэзентацыя кнігі доктара сельскагаспадарчых навук, прафесара, першага намесніка генеральнага дырэктара па навуцы Навукова-практычнага цэнтра Нацыянальнай акадэміі навук па земляробстве, лаўрэата Дзяржаўнай прэміі ў галіне навукі і тэхнікі, акадэміка Нацыянальнай акадэміі аграрных навук Украіны М. А. Кадырава “Христианство и наука: вечные проблемы,  новые надежды”. Запамінальнымі былі сустрэчы з акцёрам, рэжысёрам тэлебачыння, радыё, тэатра юнага гледача, аўтарам і вядучым духоўнай перадачы “Шлях да ісціны”, пісьменнікам Б.А. Ганагам, з дзіцячым паэтам, лаўрэатам шматлікіх літаратурных конкурсаў Андрэем Смятаніным, паэтам, музыкантам, філосафам-манахам Іаанам (у свеце А.А. Бембелем), галоўным рэдактарам духоўна-асветніцкай газеты “Воскресение” А.І. Міхаленка, вядучым духоўна-асветніцкіх перадач на рэспубліканскім радыё Людмілай Мітаковіч.

       Са студзеня 2010 года  пачала выходзіць ў эфір на раённым радыё духоўна-асветніцкая праграма “Абуджэнне”. Добрым метадычным кіраўніцтвам для вядзення духоўна-асветніцкай работы стала кніга “Нясвіжчыны духоўныя крыніцы” – зборнік нарысаў аб дзейнасці цэнтра, якая пабачыла свет у красавіку 2015 года. Арганізоўваюцца паломніцкія маршруты па святых мясцінах Беларусі, Украіны, Расіі. Наведвальнікі клуба “Ноеў каўчэг” падарожнічаюць па Нясвіжчыне, знаёмяцца з гісторыяй храмаў і атрымліваюць ад святароў адказы на духоўныя пытанні.

     З 2010 года у бібліятэцы праводзіліся праваслаўныя лекторыі для дарослых. Пасля сустрэчы дадзенай тэматыкі арганізоўваліся ў рамках работы Нядзельнай школы для дарослых (кіраўнік протаіерэй Аляксандр Данчанка) і Школы праваслаўнага выхавання (кіраўнік протаіерэй Алег Абрамовіч). З кастрычніка 2016 года  пры бібліятэцы працуе Нядзельная школа храма Узнясення Гасподня. З лістапада 2016 года  - сямейны клуб “Згода”, на пасяджэннях якога протаіерэй Аляксандр Данчанка праводзіць лекцыі і ўрокі духоўнасці па гісторыі Праваслаўнай Царквы, асвячае актуальныя пытанні, якія датычацца сямейнага выхавання. На пасяджэннях клуба абмяркоўваюцца навінкі праваслаўнай літаратуры, знаёмяцца з перыядычнымі выданнямі з фонду бібліятэкі, адбываюцца прагляды і абмеркаванне фільмаў духоўнай тэматыкі, праходзяць гадзіны пытанняў і адказаў, майстар-класы па дэкаратыўна-прыкладным мастацтве. Наведвальнікі клуба – пастаянныя ўдзельнікі раённага фестывалю “Велікоднае святло душы”, які праходзіць у Нясвіжскім цэнтры культуры. Мерапрыемствы ў рамках гэтага аб’яднання садзейнічаюць умацаванню станоўчых адносін да шматдзетных сем’яў, адукацыі бацькоў.

     Мы шукаем лекі для душы ў розных мясцінах. I мала хто задумваецца, што многае, патрэбнае нам, знаходзіцца зусім побач. Варта толькі прыпыніцца, агледзецца... Каля помнікаў нашай духоўнай, культурнай спадчыны нельга праходзіць абыякава. Іх трэба вывучаць, занатоўваць, зберагаць і    выхоўваць светлыя душы, якія будуць працягваць справу папярэдніх пакаленняў.