РБ, Минская обл., г. Несвиж, ул. Белорусская, д. 5
тел./ факс: (8 01770) 5 19 79, e-mail: neswiz_bibliotek@mail.ru

У храме кнігі

 

   У Дзень бібліятэк у Ланскую інтэграваную сельскую бібліятэку першы раз наведаліся маленькія чытачы — вучні першага класа. І пакуль яны самі чытаць не ўмеюць, для іх падрыхтавалі інсцэніраванае чытанне беларускай народнай казкі “Сабака і Мядзведзь”. Маленькім чытачам была прапанавана выстава новых цікавых выданняў.

   Таксама ў гэты дзень адбылася сустрэча з вучнямі сярэдніх класаў “Наша бібліятэка”. Дзеці даведаліся аб цікавай і даўняй гісторыі Ланскай сельскай бібліятэкі, перагарталі старонкі “Летапісу”. Ішла гаворка аб тым, як у далёкі пасляваенны1945 год намаганнямі мясцовых кіраўнікоў і маладога бібліятэкара Ганны Шыпоўскай ствараўся фонд хаты-чытальні. Яшчэ раз добрым словам успомнілі яе былых работнікаў Юлію Сцяпанаўну Станавую, Аўгусціну Мікалаеўну Дашко, Галіну Васільеўну Белякову. Гэта дзякуючы іх добрасумленнай працы наша Ланская сельская бібліятэка была ў ліку лепшых. А ў 1967 годзе А. М. Дашко была адной з дзесяці прадстаўнікоў Беларусі на Усесаюзным злёце перадавікоў у Маскве.

   Дзень бібліятэк — гэта не толькі прафесійнае свята, гэта добрая нагода для ўсіх нас адкрыць для сябе храм кнігі як лепшы ўніверсальны сродак  адпачынку, ведаў і цывілізацыі.

Алена ЖУК,

бібліятэкар 1 катэгорыі Ланскай  інтэграванай

сельскай бібліятэкі.