РБ, Минская обл., г. Несвиж, ул. Белорусская, д. 5
тел./ факс: (8 01770) 5 19 79, e-mail: neswiz_bibliotek@mail.ru

“Ці ведаеце вы Купалу?”


Малюся я небу, зямлі

і прастору,

Магутнаму Богу —

ўсясвету малюся,

Ва ўсякай прыгодзе,

ва ўсякую пору

За родны загон Беларусі.

(Янка Купала.

“Мая малітва”)

   7 ліпеня  споўнілася 135 гадоў з дня нараджэння класіка беларускай літаратуры, народнага паэта Беларусі, драматурга, публіцыста, акадэміка Нацыянальнай акадэміі навук Беларусі і Акадэміі навук Украіны Янкі Купалы.

   Геній, прарок і духоўны арыенцір нацыі, Янка Купала ўзняў беларускае мастацкае слова на небывалую вышыню. Ён стаў першым народным паэтам у краіне. Літаратар, акадэмік, філосаф — ён многае зрабіў для ўключэння беларускай літаратуры ў спісы сусветнай. Творы Купалы перакладзены амаль на сто моў свету.  Яго творчасць уяўляе сабой сапраўдную энцыклапедыю жыцця беларускага народа, ад першага да апошняга верша належыць Беларусі і яе нацыянальнай культуры.

   28 ліпеня з нагоды юбілею  паэта Нясвіжская цэнтральная раённая бібліятэка запрасіла ў гарадскі сквер ля фантана пры-хільнікаў творчасці Янкі Купалы, а таксама дзяцей з профільнага аздараўленчага лагера “Эрудыт”. Пры дапамозе разгорнутай кніжнай выставы “І вечнасць радка, як вечнасць жыцця” прысутныя змаглі ўзгадаць жыццёвы і творчы шлях Песняра, успомніць мясціны, якія ўвекавечылі памяць аб ім.

Фрагмент інсцэніроўкі алегарычнай казкі Якуба Коласа
“Ноч, калі папараць цвіце”

Дзмітрый Туроль чытае верш Янкі Купалы

Выступае Уладзімір Жылко

   У рамках акцыі бібліятэкары правялі бліц-апытанне на веданне асноўных твораў і момантаў жыцця паэта. Пераможцы атрымалі запрашэнні на “Бібліяноч-2017”, якая адбудзецца ў верасні.  Прысутныя таксама прынялі ўдзел  у бібліятэчным сэмплінгу — атрымалі лістоўкі, закладкі, брашуры з цытатамі, вершамі і прысвячэннямі.

   Далей мы падрыхтавалі літаратурна-музычную кампазіцыю “І не змоўкнуць ніколі ў свеце Купалавы словы…”, якая пачалася з інсцэніроўкі алегарычнай казкі Якуба Коласа “Ноч, калі папараць цвіце”.

   Паэзія Янкі Купалы — гэта перш за ўсё паэзія пачуццяў, эмоцый, глыбокіх разважанняў і перажыванняў. Прысутныя слухалі вершы Янкі Купалы “Мая навука”, “Дуб”, “Юрачка”, “А хто там ідзе?” і іншыя, якія дэкламавалі Дзмітрый Туроль, Валерыя Шчарбакова, Вікторыя Пятрыка, Паліна Валнухіна, Валерыя Крыцкая. Цудоўны верш-прысвячэнне Якуба Коласа “Янку Купалу” прачытаў Аляксей Шчарбакоў. Выступоўцы пранікнёна чыталі вершы і не пакінулі абыякавымі нікога з прысутных.

 

Момант
інсцэніроўкі
верша Янкі Купалы
“Юрачка”

Выхаванцы лагера “Эрудыт” каля выставы
“І вечнасць радка, як вечнасць жыцця”

   Сябра раённага літаратурна-музычнага аб’яднання “Валошкі” Уладзімір Жылко таксама з’яўляецца прыхільнікам творчасці народнага паэта. Прысутныя паслухалі яго верш-прысвячэнне “Янку Купалу”, а таксама цудоўныя вершы Уладзіміра Трафімавіча на роднай беларускай мове. Гучалі  песні на словы Янкі Купалы, вядучыя мерапрыемства цёпла і душэўна гаварылі пра паэзію, пра жыццёвы шлях Песняра. Закончылася мерапрыемства песняй на словы Уладзіміра Някляева “Янка Купала”.

Алёна ЧУХЛЕЙ,

загадчык аддзела па рабоце

з дзецьмі Нясвіжскай

цэнтральнай раённай бібліятэкі.

Фота Святланы ПОЛЬСКАЙ.

 

youporn porn watch pornhub german porno rokettube porno izle porno izle redtube porn watch