РБ, Минская обл., г. Несвиж, ул. Белорусская, д. 5 |
РБ, Мінская вобл., г.Нясвіж, вул.Беларуская, д.5 |
«Моладзь чытае: у кожнага свая старонка»
Удзельнікі студыі гутарковага жанру «Гаварун Шоу»
Нясвіжскага гарадскога маладзёжнага цэнтра
правялі акцыю «Моладзь чытае»
У першую нядзелю верасня наша краіна адзначыла
Дзень беларускага
пісьменства. Да гэтага
свята спецыялісты
раённых бібліятэк і ўстаноў адукацыі падрыхтавалі
шмат розных цікавых
мерапрыемстваў.
Адным з іх стала гульня-падарожжа «Нам мір завешчана берагчы», арганізаваная спецыялістамі Нясвіжскай цэнтральнай раённай бібліятэкі імя П. Пранузы для навучэнцаў Нясвіж-скай гімназіі. Падчас гульні юнакі і дзяўчаты паказалі свае веды па сучаснай гісторыі, здзейснілі падарожжа па культурных цэнтрах Беларусі.
Таксама актыўны ўдзел у святкаванні Дня беларускага пісьменства прынялі ўдзельнікі студыі гутарковага жанру «Гаварун Шоу» Нясвіжскага гарадскога маладзёжнага цэнтра пад кіраўніцтвам Валянціны Штоп. Яны праводзілі гістарычнае апытванне гасцей і жыхароў горада, раздавалі сімвалічныя закладкі. Рабятамі быў створаны спіс папулярных маладзёжных выданняў — «Моладзь чытае: у кожнага свая старонка».
Наталля ЕРМАШЭНКА.